RSS

Մոմավառություն Տաթևի համայնքում…

«ՀՒՇՈՒՄ ԵՄ և ՊԱՀԱՆՋՈՒՄ»… Չնայած անբարենպաստ եղանակին Տաթևի Սբ. Մինաս եկեղեցու բակը մարդաշատ էր: Եկեղեցու բակից սկսվեց Եղեռնի զոհերի հիշատակին նվիրված մոմավառությունը: Երթին մասնակից էին համայնքի բնակիչները, աշակերտները ու մանկավարժական կոլեկտիվը, համայնքի աշխատակազմը համայնքի ղեկավար Մ.Սիմոնյանի գլխավորությամբ: 18:30-ին երթի մասնակիցները Ս.Մինաս եկեղեցու բակից ուղևորվեցին դեպի Տաթևի վանական համալիր: Դպրոցի աշակերտները հանդես եկան փոքրիկ ելույթով: 19:15-ին 100 անգամ հնչեցին Տաթևի վանքի զանգերը: Բոլոր իրենց աղոթքը հղեցին առ Աստված, անմեղ զոհերի հիշատակն հարգեցին մեկ րոպե լռությամբ և խնկարկեցին լուռ: Տաթևի վանական համալիրում երթին միացավ փոխմարզպետ Վ.Դավթյանը:

23:04,2015թ.

Սկզբնաղբյուրը՝ «Տաթևի միջնակարգ դպրոց» ֆեյսբուքյան էջ

 

Tags: , , , ,

…պարզապես իմ մանկությունն եմ հիշել… (թարմացված)

Առաջին գրառումը՝ 2013թ. փետրվարի 19-ին:

Պապս Հայրենական Մեծ Պատերազմից առաջին կարգի հաշմանդամություն ձեռք բերելուց հետո վերադարձավ գյուղ ու ավելի քան 45 տարի աշխատեղ գյուղի գրադարանում:

Որպես հայրենականի հաշմանդամ նրան «Զապառոժեց» մեքենա էին պարբերաբար նվիրում՝ դա նրա 2-րդ տեղաշարժվելու միջոցն էր հենակներից հետո:

Տաթևի գրադարանում

Անցյալ դարի ժառանգություն

Այնպես էր ստացվել, որ դպրոցից տուն վերադառնալու ճանապարհը անցնում էր գրադարանի կողքով:

Միթե՞ հնարավոր էր չօգտագործել այդ հնարավորությունն ու չայցելել պապիկին՝ մի քիչ վայելել գրքերի ներկայությունը:

 Դպրոցից տուն ճանապարհին պայուսակս պապիկի մեքենայում «պահ տալով»՝  վազում էի աստիճաններով վեր… զգուշորեն բացում էի դուռը… պապիկի մոտ միշտ գյուղի մեծերն էին. նրանք կա՚մ շախմատ էին խաղում, կա՚մ նարդի ու շաշկի, կա՚մ պարզապես լռության մեջ գիրք էին կարդում…

«Բարև ձեզ» ասելով մոտենում էի պապիկին ու ակնթարթներ անց՝ անհետանում գրապահարանների շարքերում…

 Մեր գյուղի գրադարանը մոտ 10 000 միավոր գրականություն ունի…

Վերադասավորում էի գրապահարանները, մաքրում կուտակված փոշին, օգնում պապիս` քանդելով ստացված նոր գրքերի կապերը, գրանցում գրամատյանում ու դասավորում յուրաքանչյուրը իր «ժանրային» և «այբբենական» կարգով:

Ամենաերանելին` գրքի ընտրությունն էր ու իմ իսկ ձեռքով անձնական թերթիկում այն լրացնելը (2014թ. երբ նորից գրադարարնում էի թերթիկս այդպես էլ չգտա). պապիկի ստորագրելուց հետո՝ դուրս էի փախչում… հարբած գրքերի բուրմունքից …

Գրադարանի պատերին ամենուր թեմատիկ պաստառներ էին` այս կամ այն հայտնի գրողին, կամ պատմական հերոսին

Հայ գրողներին նվիրված պաստառ, լուսանկարը 2014թ. հուլիս

Հայ գրողներին նվիրված պաստառ, լուսանկարը 2014թ. հուլիս

նվիրված ասույթներով կամ փոքրիկ պատմություններով: Ցավով եմ նշում, որ այդ պատկերների ոչ մի «թվային ապացույց չկա», թերևս լուռ վկայությունը դեռ առկա է իմ ու յուրաքանչյուր ավագ սերնդի ներկայացուցչի  հուշերում /համոզված եմ/… այդ տարիները հիշում եմ մանկությունս ու պատանեկությունս գունազարդող երանությամբ:

Հետաքրքիր էր պապիս «քաղաքականությունը» համոզվելու համար՝ արդյո՞ք գիրքն ամբողջությամբ ընթերցվել է. սկսում էր հարցեր տալ՝ մեկ գրքի սկզբից, մեկ գրքի վերջից ու հանկարծ կոնկրետ հարցով բացահայտում էր, որ գիրքը լավ չէր ընթերցվել:

Ու ժամանակը ձգվում էր դեպի «հավերժ» ընթերցանություն: Ու «հավերժ» է հիշողությունը գրքերի աշխարհում…

Ամռանը, հավանաբար կայցելեմ (2014թ. այցելեցի գրադարան) գյուղ ու անպայման կգնամ գրադարան. հնարավոր է հիշողության պատառիկներ դեռևս պահպանվում են… ու ինձ կհաջողվի «թվայնացնել» այդ պատառիկները` ի պահ սերունդներին…:)

Լուսինե Հարությունյան

Հ.Գ. Լուսանկարները արված են 2014թ. հուլիսին գրադարան իմ այցելության ժամանակ

 

Tags: , , ,

Կստեղծվի «Տաթեւ» ազգային պարկ

Բնական_հանքային ջրի վանաներ «Հայաստանի զարգացման նախաձեռնություններ» (IDeA) հիմնադրամի եւ Բնության համաշխարհային հիմնադրամի հայաստանյան մասնաճյուղի (WWF-Հայաստան) միջեւ այսօր ստորագրվեց փոխըմբռնման հուշագիր, որի շրջանակում կողմերը համագործակցելու են բնության պահպանության եւ էկոտուրիզմի զարգացման ոլորտներում:

Համաձայն հուշագրի՝ IDeA հիմնադրամը եւ WWF-Հայաստանը համատեղ աշխատանքներ կիրականացնեն «Սատանի կամուրջ» բնության հուշարձանի կառավարման բարելավման ուղղությամբ, ինչպես նաեւ հանրապետության հարավում կնախաձեռնեն բնության հատուկ պահպանվող նոր տարածքի՝ «Տաթեւ» ազգային պարկի ստեղծումը: Վերոնշյալ նախաձեռնությունների նպատակը տարածքի յուրահատուկ էկոհամակարգի եւ կենսաբազմազանության պահպանումն է, աջակցությունը էկոտուրիզմի զարգացմանը: Հոդվածը կարդալ ամբողջությամբ: 

 
Leave a comment

Posted by on February 7, 2015 in Uncategorized

 

Tags: , , ,

Что испугало Тамерлана в Армении?

Գավազան Սյուն

Согласно легенде войско во главе с Тамерланом поднялось к монастырю и занялось грабежом. В тот миг колонна качалась. Тамерлан очень удивился этому чуду и велел сдвинуть колонну с места. Воинам это не удалось, тогда привязали волов, пытались сместить столб. Вдруг поднялся ветер и стало темно – началось солнечное затмение. Тамерлан был суеверным, счел это дурным знаком и спешно покинул монастырь и Армению.

Подробности: http://novostink.ru/armenia/99179-chto-ispugalo-tamerlana-v-armenii.html#ixzz3QlyOGvh9

 
Leave a comment

Posted by on February 4, 2015 in Uncategorized

 

Tags: , , , , ,

Հայոց Բանակի տոնը Տաթևում

Բանակի օրը ՏաթևումՏաթևի միջնակարգ դպրոցում հունվարի 28-ի Հայոց բանակին նվիրված միջոցառումը յուրօրինակ դաս էր: Այն սկսվեց ՀՀ օրհներգով:Այնուհետ ուխտավոր քահանա տեր Ղազարը օրհնության խոսք հղեց պատմական այս տոնի կապակցությամբ:

Գորիսի զորամասի հրետանային դիվիզիոնի հրամանատարի անձնակազմի հետ տարվող դաստիարակչական աշխատանքների գծով տեղակալ մայոր Մասիս Բագրատյանի ելույթը արիության ու հայրենասիրության, ոգեկոչման ու գոտեպնդման խոսք էր միջոցառման մասնակիցներին:

10-րդ և 11-րդ դասարանի աշակերտները իրենց խոսքով ու երգով համ ու հոտ տվեցին միջոցառմանը:Ներկա էին նաև Արցախյան պատերազմում նահատակված տաթևացի երիտասարդների հարազատները: Միջոցառման ավարտին ելույթ ունեցավ համայնքի ղեկավար Մուրադ Սիմոնյանը:
Հայոց բանակի 23-ամյա տարելիցին նվիրված միջոցառումը մեկ անգամ ևս հաստատեց, որ հայրենիքին ծառայելը պատիվ է, ոչ թե պարտականություն:

Նորվարդ Մովսիսյան, Տաթևի միջնակարգ դպրոցի տնօրեն

 
Leave a comment

Posted by on January 29, 2015 in Uncategorized

 

Tags: , ,

Զորակոչի օր Տաթևում

Տաթևի միջնակարգ դպրոցը ազգային բանակ ճանապարհեց իր սաներին:

Ձեզ խաղաղ ծառայություն սիրելի տղանե՛ր…

Զորակոչ

Արամազդի փեշերի տակ ծվարած Տաթև գյուղը, չնայած օրեցօր քչացող բնակչությանը, հետաքրքիր ավանդույթներ ունի:
Գյուղ մտնող ճանապարհը ճամփաբաժան ունի: Մի ճանապարհը գյուղ է մտնում, մյուսը` իջնում է Տաթևի վանական համալիր: Հենց այդտեղ ճամփաբաժան հատվածից են տարիներ ի վեր զորակոչիկներին բանակ ճանապարհում: Ճանապարհի վերևում Հայրենական պատերազմում զոհված տաթևացիների հուշարձան-կոթողն է, ներքևում` Սուրբ վանքը: Գուցե հենց խորհուրդը սրանում է. զոհվածների հուշարձանը արիության ու հերոսության, պատվով ծառայելու կոչ, իսկ վանքը` աստծո օրհնությամբ ծառայելու:
Զորակոչն ավարտվեց Տաթևում: Հայոց ազգային բանակ զորակոչվեցին երեքԶորակոչ նորաթուխ երիտասարդներ` Հայկ Վարդանյանը, Սևակ Պետրոսյանն ու Սևակ Հակոբյանը: 
Դպրոցի աշակերտներն ու ուսուցիչները, համայնքի բնակիչները ուրախ երգ ու պարով ճանապարհեցին նրանց:

Խաղաղ ու ապահով ծառայություն բոլոր հայ զինվորներին:
Տաթևի վանքը թող պահապան լինի բոլորին:

Նորվարդ Մովսիսյան, Տաթևի միջնակարգ դպրոցի տնօրեն

 

Tags: , ,

2014 in review

The WordPress.com stats helper monkeys prepared a 2014 annual report for this blog.

Տաթևի վանական համալիր

Here’s an excerpt:

The concert hall at the Sydney Opera House holds 2,700 people. This blog was viewed about 15,000 times in 2014. If it were a concert at Sydney Opera House, it would take about 6 sold-out performances for that many people to see it.

Click here to see the complete report.

 
Leave a comment

Posted by on January 17, 2015 in Uncategorized

 
 
Follow

Get every new post delivered to your Inbox.

Join 476 other followers

%d bloggers like this: