RSS

Tag Archives: Հայր Միքայել

Տաթևի երգչախումբը

Հայր Միքայել«Նրանք ներքին բնազդով քրիստոնյա են, պաշտում են իրենց վանքը, աղանդավորներին երբեք չեն ընդունում, հետ են ուղարկում. այսօր ու երբևիցե Տաթևում աղանդավորները արմատներ ձգել չեն հաջողացրել: Գիտակցությամբ թերանում են: Չունեն քրիստոնեական լուրջ գիտակցություն, բայց միանշանակ չենք կարող ասել, որ սա միայն տաթևացիներին է վերաբերում: Քրիստոնեական գիտակցության պետք է գա մեր ողջ հայ ժողովուրդը: Ինչպես Վազգեն Վեհափառն է հիանալի մի պատասխան տվել. «Մեր ժողովուրդը քրիստոնյա ժողովուրդ է, միայն պետք է նրանց մեջ արթնացնել քրիստոնեությունը»,  – այսպես մեկնաբանեց Հայր Միքայելը տարիներ առաջ, երբ զրուցում էինք տաթևացու և սյունեցու հոգևոր տեսակի ու քրիստոնյա լինելու մասին:

Իմ մանկության տարիներին վանք իջնելը կամ դասից փախչելու առիթ էր, կամ հյուր ունեինք քաղաքից ու վանքը պիտի ցույց տայինք. միակ տեսարժան վայրն էր: Վանքը իջնելը երբեք խորապես չէր ասոցացվում քրիստոնեական  Տաթևի երգչախումբմղումներով կամ Աստվածապաշտությամբ: Թեև երբեք չեմ մոռանում յուրաքանչյուր տաթևացու սևեռուն հայացքը հառած վանքին` ճանապարհ ընգնելուց կամ հարազատին ու մտերիմին ճանապարհ դնելուց առաջ:

Եթե հիմա առիթ վիճակվի քայլել Տաթևի գյուղամեջյան ճանապարհով ու գյուղացի երեխաներին հարց տրվի` «Ինչու՟ եք այցելում Տաթևի վանք», համոզված եմ պատասխաններում գերակշռելու է կամ «… գնում եմ տեսնելու Հայր Սուրբին», կամ «… գնում եմ մասնակցելու պատարագին կամ ժամերգությանը» ու կամ «… գնում եմ եկեղեցական շարականների երգեցողության խմբակին»:

Այո’, գուցե զարմանաք լսելով երգչախմբի մասին, ինչպես ես զարմացա և
ավելի քան ոգևորություն ապրեցի` կարդալով այն հայտարարությունը, որ «Տաթևի երգչախումբը» կմասնակցի Արգավանդի սբ. Սարգիս եկեղեցու պատարագին: Կարդալ ավելին

 

Tags: , , , , ,

Տաթևի երգչախումբը

 

Tags: , ,

Ճանաչողական զբոսանք_1

 

Tags: , , , , ,

Սբ. Սարգսի տոնին ընդառաջ…

Տաթևի վանքի վանահայր Հայր Միքայելի նախաձեռնությամբ, այս մի Սբ. Սարգիսը մեզ՝ տաթևացի երիտասարդներիս համար անմոռանալի դարձավ: Հայր Սուրբը նախօրոք գեղեցիկ հրավիրատոմսեր էր պատրաստել և տվել իրենց հասցեատերերին` հրավիրելով մասնակիցը դառնալ Սուրբ Սարգիս Զորավարի տոնին, որը տեղի ունեցավ փետրվարի  4-ին: Շատ ուրախալի էր մեզ համար  կտրվել ձանձրալի առօրյայից և  ճանաչել մեր իսկ եկեղեցական տոներից մեկը: Մեկ մարդու պես բոլոր հրավիրյալներս առավոտյան ժամը 11.00-ին ներկայացանք Սուրբ պատարագին: Այսօրը մեր օրհնության օրն եր: Սբ. Գրիգոր Լուսավորիչ եկեղեցու խնկաբույր կամարների ներքո մեր հոգիներին պատեց առանձնահատուկ մի ուրախություն:

“Այնպես կուզեի, որ եկեղեցու կյանքում մեր կենդանի ներկայությունը ուժ, եռանդ ու թարմություն հաղորդի հավատացյալ բանավոր հոտին: Լավ եմ գիտակցում , որ երիտասարդին դժվար է Եկեղեցու, Սուրբ գրքի և ծնողների ուղենշած ճանապարհով ընթանալը, քանի որ նրա միտքը անհաստատ է, բոլոր խոսքերում ու գործերում ՝դյուրափոփոխ, զգայարանները տեսակ-տեսակ  ցանկությունների հակված:  Նա նման է գետի հոսանքին ու ծովի ալիքներին, որ կյանքի ճանապարհով չի կարող ուղիղ ընթանալ. երբեմն աջ է խոտորվում և երբեմն՝ ձախ, մեկ դեպի չարը և մեկ դեպի բարին” -այսպես փորձեց  իր մտահոգությունը արտահայտել Հայր Սուրբը մեր զրույցի ընթացքում:

Ինչո՞վ կարող է ուղղել երիտասարդը իր ընթացքը, եթե ոչ Տիրոջ խոսքերը պահելով, և հավատացեք` պատարագից հետո մի առանձնահատուկ խաղաղություն ու հանգստություն իջավ հոգուս:

Պատարագին հաջորդեց երիտասարդներիս օրհնության կարգը:  Այնուհետև համախմբվաց բարձրացանք գյուղի մշակույթի տուն, ուր մի փոքրիկ խնջույք էինք կազմակերպել: Հայր Սուրբը պատրաստել էր տվել  մի ավանդական ուտեստ “կուրկուտ”:

Կազմակերպվեց “Գաղտնի ընկեր” խաղ-մրցույթը: Մեծ ոգևորությամբ էին երիտասարդները մասնակցում: Աղջիկները հանում էին  տղաների անուններ ու հակառակը և միմյանց նվիրում գեղեցիկ խոսքեր, նվերներ, երգ ու պար: Օրվա վերջում մեր գյուղում գործող Ս. Առաքելյանի անվան միջնակարգ դպրոցի 12-րդ դասարանցիներից գեղեցիկ անակնկալ ստացանք. նրանք մեզ բաժանեցին իրենց իսկ ձեռքով թխված, Հայր Սուրբի ձեռամբ օրհնված քաղցրաբլիթներ:  Ա՛յո, ա՛յո, սխալ չկարդացիք` քաղցրաբլիթներ:  Աշակերտները որոշել էին աղաբլիթը փոխարինել քաղցրաբլիթներով: Տեսնել էր պետք, թե դա ինչ մի ոգևորություն էր առաջացրել մեզ մոտ: Բոլորը արդեն սկսել էին անրջել, թե ով ում կտեսնի: Ցավոք օրը ավարտվում էր: Մեկ անգամ ևս Հայր Սուրբը օրհնեց մեզ` ասելով, որ մենք զորավոր ենք, և Աստծո խոսքը բնակվում է մեր մեջ: Որ մենք մեր երիտասարդության տարիքում  պետք է պատվենք մեր Տեր Աստծուն:

“Սիրելի երիտասարդներ, գիտեմ, որ յուրաքանչյուրդ էլ փափագում է երջանիկ լինել: Իսկ երջանկությունը Աստծուց է գալիս: Եվ նա, ով Աստծո պատվիրանները պահում է, Սուրբ հաղորդություն է ստանում, դնում է իր երջանկության և խաղաղության սկիզբը: Եվ հավատացած եմ, որ Աստծո օրհնությամբ կատարված երիտասարդի հետագա ամուսնական ընտրությունը հաջողակ կլինի:  Սիրեք ու վայելեք սիրված լինելը…”,  – այսպես քարոզեց Հայր Սուրբը Սբ. Սարգսի տոնին կազմակերպած միջացառման վերջաբանի փոխարեն:

 Նունե Մինասյան, հատուկ Տաթևից բոլոր ընթերցասերների համար

This slideshow requires JavaScript.

 

Tags: , , , , ,

Ուխտագնացություն դեպի Տաթև

Վերջապես Տաթևը սփռեց իր թևերը մեր առջև… Մենք հասանք ճիշտ ժամանակին և պատարագը սկսվել էր ու Տաթևում մեզ դիմավորեց Հայր Միքայելը… Չեմ կարող նկարագրել հիացմունքս Հայր Սուրբի հանդեպ: Առաջին իսկ վայրկյանից մենք մեզ այնքան հարազատ էինք զգում նրան: Աստվա՜ծ իմ, այդ ինչպիսի սուրբ աչքեր ես շնորհել նրան… Աչքեր, որոնք լի են անսահման բարությամբ, սիրով, հնազանդությամբ ու կյանքով.. Որոնք այնքա՜ն ջինջ ու “մանկական”  էին, այնքա՜ն ջերմ, որ ջերմացնում էին ու կանգուն էին պահում Տաթևը… կարդալ ավելին

 

Tags: , , , , , , , ,

 
%d bloggers like this: